Prends cette rose.

Pren ceste rose aimable comme toy
Qui sers de rose aux roses les plus belles
Qui sers de fleur aux fleurs les plus nouvelles
Dont la senteur me ravist tout de moy

Pren ceste rose, et ensemble recoy
Dedans ton sein mon coeur qui n' a point d' ailes:
Il est constant, et cent playes cruelles
N' ont empesché qu' il ne gardast ta foy

La rose et moy différons d' une chose:
Un Soleil voit naistre et mourir la rose,
Mille Soleil ont veu naistre mon amour,

Dont l' action jamais ne se repose
Que pleust a Dieu que telle amour enclose
Comme une fleur, ne m' eust duré qu' un jour.

 Pierre de Ronsard

 A bientôt !